Te Whakapuaki mō te Mate Wareware

He hua te Whakapuaki mō te Mate Wareware nā te whakawhitiwhiti kōrero a te hunga kua pāngia e te mate wareware mō ngā mea e hiahia ana mātou kia noho pai i te ao nei He mea whakawhanake tēnei whakapuaki e te hunga e noho tahi ana me te mate wareware i te Rōpū Mātanga Tohutohu o Alzheimers New Zealand

He Whakapuaki mō te Mate Wareware:
He Mea Nui Tō Mātou Noho i Te Ao

“E hiahia ana mātou KATOA kia kitea mai e te tangata kē, kia whakanuia, kia kīa he tangata whai painga, kia arohaina mai mō tō mātou āhua tūturu.”

Hei tāngata nō Aotearoa e noho tahi ana me te mate wareware, he kirirarau mātou, ā, he mea nui tō mātou noho i te ao nei. He rite tonu ō mātou tika, ō mātou whiwhinga, haepapa hoki ki ō ngā tāngata katoa. Tā tō mātou Whakapuaki he whakataki i ngā mea e hiahia ana mātou kia noho pai i te ao nei.

Ka eke mātou ki tō mātou tino teitei ina:

• Noho tonu te mana mō mātou ki a mātou anō; kua kaha hoki ngā reo tautoko i ā mātou whakatau mō ngā mea hira ki a mātou.
• Tōkeke tonu te tautoko i a mātou, te tiaki me te whiwhi mōhiotanga i te wā tonu e tika ana, e hāngai ana hoki ki a mātou; e horaina mai ana i roto i te atawhai e te hunga ngākau pūaroha, he tāngata whai pūkenga tōtika, mātauranga tōtika e arotahi ana ki ō mātou hiahia, he pai tō mātou noho tahi me rātou.
• Karapotingia mātou e tēnei kāhui tautoko, he kāhui e ngāwari tonu ai te noho pipiri ki ō mātou whānau, ki ngā hoa, ki ō mātou hoa mahi, me te hunga e noho nei hei mea nui ki a mātou.
• Noho mātou i ngā hapori mōhio e awhi nei, e whakaae nei, e mārama pū nei ki a mātou.
• Whakauru tonu mātou ki ngā tūranga me ngā mahi whai tikanga, hira hoki ki a mātou.
• Tukua ki a mātou tonu ngā mea e hiahia ana mātou ki te noho pai, te tūmataitinga, kia whai moni e pai ai te
  noho, me ngā āhuatanga kawe i a mātou ki ngā wāhi e hiahia ana mātou ki te haere.
• Aroha nuitia mātou; he mea nui tō mātou noho i te ao.

“Ko au tonu ahau.”