Te tautoko i te tangata kua pāngia e te mate wareware

Te whakamōhio i ētahi atu tāngata

Āe, he uaua te whakaatu atu a tō mema whānau i tōna tautohutanga māuiui ki ētahi atu tāngata, me tahuri hoki koe ki te whakaatu i te tautohutanga māuiui ki ētahi atu tāngata. He mea uaua te tuku rongo kōrero taumaha ki ō hoa me te whānau, ā, he rerekē ngā whakaaro mai o tēnā tangata, o tēnā tangata, kāore e mōhiotia ka pēhea te whakaaro.  Heoi anō, e kore e taea e rātou te tautoko tika i a koe, ki te kore koe e whakaatu i ngā āhuatanga kei te haere.

Ki te kore koe e mōhio me whakaatu ki a wai, inoi atu ki tō tākuta ā-whānau, ki tō rōpū Alzheimers ā-rohe rānei mō ētahi āwhina.

Te whakarite tikanga

He mea ka pā ki te tini o te tangata te pōuri, te aha, i muri i te tautohutanga o te mate wareware mō tētahi mema whānau. He mea nui te noho pai me te mate wareware, ā, he uaua i ētahi wā kia mōhio he aha ngā kare ā-roto ‘tika’ mōu.

• Kaua e whakakāhoretia ō kāre ā-roto: ahakoa he aha, tukua aua kare ā-roto kia rere, kia pērā hoki tō āhua.
• Tiria ō kare ā-roto ki te tangata: me kōrero ki tētahi atu mema whānau, ki tētahi hoa rānei.
• He pai noa iho te tangata: he pono te kī – mā te roimata ka māmā ake ngā whakaaro.
• He pai kia kata tonu: mā te kata ka puta ētahi matū ‘whakaharikoa’ i roto i tō tinana
• Me āta tuhi ngā āhuatanga: ki ētahi tāngata he āwhina nui te āta tuhi i ngā kare ā-roto me ngā wheako
• E puta ki waho, kia ngahau ki te ora: mahia he mahi pai ki a koe, me arotahi ki te pai mōu i muri i te mahinga.

Te tono āwhina

Ehara i te mahi ngāwari te tautoko i te tangata kua pāngia e te mate wareware –  engari kei reira te āwhina mōu – ā-ōkiko, ā-wairua.

Kei reira hoki ētahi rōpū tautoko mō te hunga whai mema whānau e noho tahi ana me te mate wareware, kimihia rātou ki konei, waea atu rānei ki 0800 004 001 ki te toro atu ki te tangata tūtata ki a koe.

Mehemea he kaitautoko koe i tētahi tangata kua pāngia e te mate wareware tīmata tōmua (kei raro iho i te 65 tau), ka whakahaeretia he hui tuihono ā-marama e te Younger Onset Dementia Aotearoa Trust (YODAT), he mea whakahaere e tētahi Tapuhi Hauora Hinengaro Rēhita. Mō ētahi atu mōhiotanga, whakapā mai ki yodatonlinegroups@gmail.com.

Kei te whakahaeretia te huhua o ngā ratonga e tō rōpū Alzheimers ā-rohe, hei tautoko, hei arataki hoki i te tangata me tōna whānau, i muri i te tautohutanga o tētahi momo mate wareware, ahakoa he momo. Ka taea hoki e tō tākuta ā-whānau te tohutohu i a koe mō ngā ratonga i tō hapori paetata.

Ko ētahi o ngā ratonga i tō hapori pea, ko:

• te mōhiotanga, te mātauranga, ngā ratonga tautoko, tū tahi hoki ka tāpaetia e tō rōpū Alzheimers paetata
• te tautoko mā tō Ratonga Aromatawai Hiahia, Whakarite Ratonga (NASC) hoki.

Te tikanga, mā te tākuta ā-whānau e tiaki ana i tō mema whānau e tuku tohutohu, tautoko hoki ki a koe, e whakamārama hoki ngā āhuatanga kia mārama ki a koe, kia pai ai tō whakautu pātai.

Ahakoa he mema whānau kē nōu te tangata kua tautohutia tōna pānga e te mate wareware, te tikanga kia noho ā-tinana mai koe i ō rātou haerenga ki te tākuta, he tika kia mārama koe ki ngā āhuatanga e pā ana ki a ia.

Ko ētahi kupu āwhina whai tikanga inā haere ki te tākuta:

• Whakaritea he hui i te wā tino pai mō kōrua tahi, arā, he wā e mārie ai te wairua, e pai ai te tinana.
• Tuhia he rārangi pātai i mua i tō haere – he wā whakapōhēhē i te tangata, ā, he nui ngā kōrero ka rangona.
• Mahia he kōpaki, meatia ngā kōrerorero ki tō tākuta ā-whānau ki roto, waihoki ngā mātārere, ngā whārangi mōhiotanga kua kohia e koe – me inoi ki te tākuta kia tuhia ētahi mea.
• Kaua e mataku ki te whakaputa kōrero mōu, mō tō mema whānau hoki/rānei, kua pāngia e te mate wareware.
• Ki te kore koe e mārama ki ngā kōrero, inoi atu kia whakamāramatia, kia rerekē hoki ngā kupu.

Pāwhiritia a konei kia kitea me haere ki hea ki te kimi āwhina.